තුර්කියේ සිදුවූ භූ කම්පනයකින් 9 ක් මරුට

Views: 53

තුර්කියේ නැගෙනහිර ඉරාන දේශසීමාව ආසන්නයේ සිදු වූ භූ කම්පනයක් හේතුවෙන් නවදෙනකු මියගොස් 37 දෙනෙකු පමණ තුවාල ලබා ඇතැයි වාර්තා වේ.

මියගිය අය අතර දරුවන් තිදෙනක් ද සිටින බවත් නිවාස බොහොමයක් කඩා වැටී ඇති බවත් එරට අභ්‍යන්තර කටයුතු අමාත්‍යවරයා පවසයි.

රිච්ටර් මාපාංක 5.7 ක ප්‍රභලත්වයෙන් යුතු කම්පනයක් හටගෙන ඇති අතර එහි කම්පන කේන්ද්‍රය ඉරාන දේශසීමාව ආසන්නයේ පිහිටි හබාෂ් ඊ ඔල්යා ගම්මානයේ කිලෝමීටර් 6 ක් පමණ ගැඹුරින් පිහිටා තිබිණි.

ඉරානයේ බටහිර අසර්බයිජාන් පළාතේ 75දෙනකුට පමණ තුවාල සිදුවී ඇති බවත් ගම්මාන 43 කට පමණ කම්පනයෙන් බලපෑම් සිදුවී ඇති බවත් සඳහන් වේ.

මෙම කළාපයේ භූ කම්පන බහුලව සිදුවන අතර 1999 වසරේ තුර්කියේ බටහිර ඉස්මිට් නගරයේ සිදු වූ භූ කම්පනයකින්17,000 ක පමණ පිරිසක් මියගියහ.

1990 වසරේ ඉරානයේ සිදු වූ භූ කම්පනයකින් 40,000 ක් පමණ මියගිය අතර ලක්ෂ පහක පමණ පිරිසක් අවතැන් වූහ.

උපුටා ගැනීම ලංකාදීප පුවත්පත

Total Page Visits: 51 - Today Page Visits: 1
Comments: 0

Your email address will not be published. Required fields are marked with *